حمام محشى بطريقه سهله جدا وسريعه ان شاء الله
أولا
تجيبى حمام وتنظفيه بالملح والخل والدقيق
وبعد ما تغسليه بالماء كويس تضعيه على المصفى ولا تنسى غسل الكبد والأوانص
ثانيا
تجيبى بصلة مبشورة وتدعكيها بالملح والفلفل والبهارات
ثم تضعى الخليط على الحمام وتدعكيه من داخله وخارجه
ثالثا
مقادير الأرز (لكل زوج حمام 1/2كوب أرز)
على حسب العدد نضع الكمية المطلوبة من الأرز
نضع ملعقة سمنة كبيرة على النار وعليها بصلة متوسطة مبشورة ناعم
ولمل تصفر نضع الكبد والأوانص والرز والملح والفلفل ونشوحه الى أن يصفر
الأرز ثم نضع الماء على حسب كمية الرز ولا نسويه جيدا بس تحسى انه دخل
فى السوا ولمستى الخاصة اللى بتدى الحشو طعم مميز هى القليل من الخضرة المفرومة
بقدونس وشبت وكسبرة هتلاحظى فرق رهيب فى الطعم جربى بس وهتشوفى
رابعا
ضعى حلة بها ماء على النار الى أن يهدأ الأرز.
نبدأ الحشو من الصدر(يكون أفضل) الى أن نصل بالرز لمنطقة الرقبة ولا تكبسى الرز
لأن حجمه سيتضاعف وبعد ما تنتهى من الحشو ضعى أرجل الحمام ف القتحة السفلية
(كتفيها زي الفراخ )أغلقى الحمام بالخلة الصغيرة بتاعة الأسنان كما واربطى العنق
بفتلة تمسكين بيها الجلد باللرقبة حتى لا يخرج الارز.
لما تغلى الماء اسقطى حبيتين مستكة وحبهان وورق لورا وروز مارى وبصلة صغيرة
وملح وفلفل أسود وأخيرا الحمام وخلى فتحة صدره لأعلى وفى النهاية بعد ما تستوى
كويس نحمرها فى الفرن أو على النار ونقدمه مع رز مفلفل وملوخية .
أو بطاطس شيبسى او زى ما تحبوا
وبالهنا والشفا
المشاركات
